«Նաիրիտի» սակավաթիվ աշխատակիցները նույնպես կազատվեն աշխատանքից

ԵՐԵՎԱՆ, 3 մայիսի. /ԱՌԿԱ/. «Նաիրիտ» գործարանի բոլոր աշխատակիցները, այդ թվում` ղեկավարությունը, ծանուցագրեր են ստացել հուլիսի 1–ից աշխատանքից ազատման մասին, գրում է «168 ժամ» թերթը, հայտնում է «Նովոստի–Արմենիա» գործակալությունը։

Նա միաժամանակ հայտնել է, որ այդ 460 աշխատակիցներին կամ գոնե նրանց մի մասին կառաջարկվի աշխատանքի անցնել «Նաիրիտ 2» կամ «Երևանի ՋԷԿ» ընկերություններում։ Այսպիսով նրանք «արդեն որպես այդ կազմակերպությունների աշխատակիցներ` կշարունակեն ապահովել «Նաիրիտի» նվազագույն կարիքները»,– գրում է պարբերականը։

Ավելի վաղ իշխանությունները հայտարարել էին, որ այդ 460 աշխատակիցն այն նվազագույն թիվն է, որ անհրաժեշտ է գործարանի անվտանգությունն ապահովելու համար։

 Պարբերականի հարցին, թե ինչու՞ են կրկին կրճատում աշխատողներին` Թադևոսյանն ասել է, որ գործարանի պայթյունավտանգ նյութերը պետք է ուտիլիզացիայի ենթարկվեն, այդ իսկ պատճառով աշխատակիցների պահանջը նվազում է։ Նա միաժամանակ ավելացրել է, որ գործարանը «բանալիով փակելու» հարց չի լինի։ -0-