ՊԵԿ–ի նոր ղեկավարությունը հրահանգել է ՀՀ մաքսային սահմանից ներս թողնել միայն փաստաթուղթ ունեցող բեռները. թերթ
24.05.2018,
11:00
ՊԵԿ–ի ղեկավարությունը հրահանգել է ՀՀ մաքսային սահմանից ներս թողնել միայն փաստաթուղթ ունեցող բեռները. մի քանի օրերին կտրուկ նվազել է Հայաստան մտնող բեռնատարների քանակը:
ԵՐԵՎԱՆ, 24 մայիսի./ԱՌԿԱ/. Վերջին մի քանի օրերին կտրուկ նվազել է Հայաստան մտնող բեռնատարների քանակը, գրում է «Ժամանակը»` հղում անելով Հայաստանի մաքսային մարմիններին մոտ կանգնած աղբյուրին։
«Պատճառն այն է, որ ՊԵԿ նոր ղեկավարությունը հստակ հրահանգ է տվել մաքսավորներին, որ Հայաստանի մաքսային սահմանից ներս թողնել միայն փաստաթուղթ ունեցող բեռները: Իսկ քանի որ մինչև վերջերս բեռների ճնշող մեծամասնությունը գալիս էր առանց փաստաթղթավորման, այդ բեռների տերերը ստիպված են եղել դադարեցնել բեռների ներկրումը, մինչև դրանք պատշաճ կփաստաթղթավորվեն», – գրում է թերթը։–0–
