Հրայր Թովմասյանը 64 «կողմ» և 27 «դեմ» ձայներով ընտրվեց ՀՀ Սահմանադրական դատարանի նոր անդամ
ԵՐԵՎԱՆ, 2 մարտի. /ԱՌԿԱ/. ՀՀ ԱԺ պատգամավոր Հրայր Թովմասյանը 64 «կողմ» և 27 «դեմ» ձայներով ընտրվեց ՀՀ Սահմանադրական դատարանի նոր անդամ։
ՀՀ ԱԺ պետաիրավական հարցերի և մարդու իրավունքների պաշտպանության մշտական հանձնաժողովի նախագահ Հրայր Թովմասյանը փետրվարի 16–ին խոսնակին ներկայացրել է հրաժարականի դիմում։ Թովմասյանի թեկնածությունն առաջադրվել էր ՀՀ ՍԴ անդամի պաշտոնին, քանի որ ՍԴ նախագահ Գագիկ Հարությունյանը դառնում է 70 տարեկան և այլևս իրավունք չունի զբաղեցնել այդ պաշտոնը։
«Շնորհակալություն վստահության համար, 27 դեմ ձայները ես դիտարկում եմ այնպես, որ մարդիկ չէին ուզում, որ ես ԱԺ-ից գնամ, շնորհակալ եմ: Ես ձեզ կկարոտեմ», – ասաց Թովմասյանը ԱԺ ամբիոնից երդվելուց առաջ։
ՀՀ Սահմանադրության համաձայն, Սահմանադրական դատարանի դատավորներին ընտրում է ԱԺ–ն 12 տարի ժամկետով։ ՍԴ–ն բաղկացած է 9 դատավորից, որոնցից երեքն ընտրվում են ՀՀ նախագահի, երեքը` կառավարության, երեքը` Դատավորների ընդհանուր ժողովի առաջարկով։ Դատավարնորը ստանձնում են իրենց պաշտոնը մինչև 70 տարեկան։
Սահմանադրական դատարանը ՍԴ նախագահին և փոխնախագահին ընտրում է իր կազմից 6 տարի ժամկետով առանց վերընտրվելու իրավունքի։–0–
