ՊՆ․ ժամանակավորապես արգելվել են զինծառայողների տեսակցությունը, ազատ արձակումը, արձակուրդը, հետաձգվել են երդման արարողությունները
21.02.2025,
11:04
Նշվում է, որ կազմակերպվող բոլոր միջոցառումների նպատակը զինծառայողների առողջության պահպանումն է
ԵՐԵՎԱՆ, 21 փետրվարի․/ԱՌԿԱ/․ Եղանակային անբարենպաստ պայմանների պատճառով, ինչպես նաև սուր շնչառական վարակների ներթափանցումը և տարածումն անձնակազմի շրջանում կանխելու նպատակով զինված ուժերում հետաձգվել են երդման արարողությունները, սահմանափակվել են տեսակցությունները, ժամանակավորապես արգելվել են ազատ արձակումներն ու արձակուրդների տրամադրումը, հայտնում են ՊՆ–ից։
«Կազմակերպվող բոլոր միջոցառումների նպատակը զինծառայողների առողջության պահպանումն է», – նշել են գերատեսչությունից։
