Տարեկան մոտ 32 հազար տոննա թռչնամիս է ներկրվում Հայաստան. Գյուղնախարարություն

ԵՐԵՎԱՆ, 20 հունվարի. /ԱՌԿԱ/. Տարեկան Հայաստան է ներկրվում մոտ 32 հազար տոննա թռչնամիս, երկուշաբթի հրավիրված ասուլիսի ընթացքում հայտարարեց Հայաստանի գյուղատնտեսության անասնաբուծության և անասնաբուժության վարչության պետ Աշոտ Հովհաննիսյանը։

«Թռչնաբուծության ոլորտում մենք իսկապես խնդիրներ ունենք, քանի որ տարեկան արտադրում ենք մոտ 8 հազար տոննա թռչնամիս, մինչդեռ ներքին շուկայի պահանջարկը գերազանցում է 40 հազար տոննան։ Փաստորեն, ամեն տարի մենք հանրապետություն ենք ներկրում մոտ 30-32 հազար տոննա թռչնամիս»,– ասաց նա` պատասխանելով «ԱՌԿԱ» գործակալության հարցին։

Հովհաննիսյանը պարզաբանեց, որ Հայաստանում թռչնամսի արտադրության ցածր ծավալը պայմանավորված է, նախևառաջ, կերերի և կերային հավելումների, մասնավորապես, հնդկացորենի պակասով, որի 80 տոկոսը Հայաստան է ներկրվում այլ երկրներից։

Ըստ նրա, կերերի բավարար ծավալի առկայության դեպքում Հայաստանի խոշորագույն թռչնաֆաբրիկաները, այդ թվում` «Արաքսը», Լուսակերտի և Շահումյանի թռչնաֆաբրիկան, կարող են արտադրության ծավալն ավելացնել 2-2.5 անգամ։

Հայաստանի թռչնաբույծների միության նախարար Սերգեյ Ստեփանյանը նշեց, որ թռչնամսի գերակշռող մասը Հայաստան է ներկրվում Բրազիլիայից, Արգենտինայից, Կանադայից և ԱՄՆ–ից։ -0-