Հայաստան–Վրաստան էլեկտրահաղորդման գծերի շինարարության համար 2026թ․–ին նախատեսվում է հատկացնել 48,4 մլրդ դրամ
ԵՐԵՎԱՆ, 28 հոկտեմբերի․/ԱՌԿԱ/․ ՀՀ պետական բյուջեի նախագծի համաձայն՝ 2026 թվականին Հայաստան-Վրաստան օդային էլեկտրահաղորդման գծերի և համապատասխան ենթակառուցվածքների կառուցման շարունակության համար կծախսվի 48.4 միլիարդ դրամ։ Այս մասին խորհրդարանում բյուջետային քննարկումների ժամանակ հայտարարեց ՀՀ տարածքային կառավարման և ենթակառուցվածքների նախարար Դավիթ Խուդաթյանը։
«Տենդերային գործընթացը գտնվում է ամփոփման փուլում», – նշեց Խուդաթյանը։
Նա ավելացրեց, որ հաջորդ տարի կշարունակվի նաև «Շահումյան 2», «Մարաշ» և «Եղեգնաձոր» ենթակայանների վերակառումը, ինչի համար կտրամադրվի 3,8 մլրդ դրամ։
Նախարարը տեղեկացրեց, որ էներգաարդյունավետության ծրագրի շարունակության համար նախատեսվում է հատկացնել 13,9 մլրդ դրամ, որից 7,9 մլրդ դրամը՝ Երևանի էներգաարդյունավետության ծրագրին։
