«Միկա» մարզահամալիրը հանվել է վաճառքի

ԵՐԵՎԱՆ, 26 օգոստոսի. /ԱՌԿԱ/. «Միկա» մարզահամալիրը հանվել է վաճառքի:

Դատական ակտերի հարկադիր կատարման ծառայության աճուրդների կայքում հրապարակված տեղեկատվության համաձայն՝ օգոստոսի 25-ին վաճառքի հանված լոտի սկզբնական գինը 9,045 մլրդ դրամ է (մոտ 22 մլն դոլար): Ենթադրվում է, որ աճուրդը կտևի մինչև սեպտեմբերի 4-ը:

Կայքում հրապարակված տվյալների համաձայն՝ համալիրի ընդհանուր մակերեսը 3658,9 քառակուսի մետր է: Համալիրի տարածքում գտնվող մարզադաշտի մակերեսը 5421,5 քառակուսի մետր է՝ 7250 նստատեղերով:

Համալիրը կառուցվել է 2008թ.-ին:

Համալիրի սեփականատերը հայ խոշոր ձեռներեց Միքայել Բաղդասարովն է: Նրան է պատկանել նաև «Արմավիա» ավիաընկերությունը, որը 2013թ.-ի ապրիլի 1-ից դֆադարեցրել է թռիչքներն ու սնանկության ընթացակարգ սկսել։-0-