Ամերիաբանկը հաճախորդներին արձակուրդների ընթացքում անձնական պահատուփերի վարձակալման մեծ զեղչեր է առաջարկում

ԵՐԵՎԱՆ, 22 հուլիսի. /ԱՌԿԱ/. Արձակուրդների ընթացքում Ամերիաբանկն առաջարկում է նշանակալի զեղչեր բոլոր նրանց, ովքեր ցանկանում են Բանկին ի պահ հանձնել նյութական արժեքներ, հայտնում է բանկի մամուլի ծառայությունը։

Հաղորդման համաձայն` 2013թ. հուլիսի 22-ից մինչև սեպտեմբերի 30-ը Ամերիաբանկի «Սայաթ-Նովա» մասնաճյուղում անհատական պահատուփ վարձակալող հաճախորդները կօգտվեն 50 տոկոս զեղչից։

Վեց ամսով վարձակալելու դեպքում կտրամադրվի 50 տոկոս զեղչ և մեկ տարվա անվճար սպասարկմամբ Visa Classic կամ MasterCard Standart դեբետային քարտ։  

Տասներկու ամսով վարձակալելու դեպքում նրանք կստանան 50  տոկոս զեղչ և մեկ տարվա անվճար սպասարկմամբ Visa/MasterCard Gold դեբետային քարտ:  

Հաղորդման մեջ ասվում է, որ անհրաժեշտության դեպքում Բանկն անվճար կտրամադրի անձնական հաշիվների շարժի վերաբերյալ տեղեկանք` դեսպանատուն ներկայացնելու համար:     

Մամուլի ծառայությունը հայտնում է նաև, որ Ամերիաբանկն առաջարկում է  փոքր, միջին, մեծ և շատ մեծ չափերի անհատական պահատուփեր, որոնք տեղակայված են հատուկ սարքավորված սրահներում: Դրանք գտնվում են շուրջօրյա հսկողության ներքո, հագեցած են անվտանգության ժամանակակից համակարգով և հակահրդեհային ահազանգման միջոցներով:

«Պահատուփեր տրամադրելիս կապահովվի հաճախորդների կողմից ի պահ տրված նյութական արժեքների ամբողջականությունն ու անձեռնմխելիությունը, ինչպես նաև պահատուփի պարունակության վերաբերյալ տեղեկատվության գաղտնիությունը»,– ասվում է մամուլի հաղորդագրությունում։

«Ամերիաբանկ» ՓԲԸ-ն ունիվերսալ բանկ է, որը մատուցում է կորպորատիվ, ներդրումային և մանրածախ բանկային ծառայություններ` տրամադրելով բանկային լուծումների ամբողջական փաթեթ: Ամերիաբանկի Տնօրենների խորհրդի նախագահն է Ռուբեն Վարդանյանը, Տնօրինության նախագահ-Գլխավոր տնօրենը` Արտակ Հանեսյանը: -0- -