ՀԱՊԿ գլխավոր քարտուղար Նիկոլայ Բորդյուժան կայցելի Հայաստան
ԵՐԵՎԱՆ, 13 ապրիլի. /ԱՌԿԱ/. ՀԱՊԿ գլխավոր քարտուղար Նիկոլայ Բորդյուժան ապրիլի 14-15–ին աշխատանքային այցով կժամանի Հայաստան, հայտնում է ՀԱՊԿ մամուլի քարտուղար Վլադիմիր Զայնետդինովը։
Այցի ընթացքում Բորդյուժան հանդիպումներ կունենա Հայաստանի նախագահի, Հավաքական անվտանգության խորհրդի նախագահ Սերժ Սարգսյանի, պաշտպանության նախարար, ՀԱՊԿ ՊՆԽ նախագահ Սեյրան Օհանյանի հետ։
«Ի թիվս այլ հարցերի` կքննարկվի նաև Կովկասյան տարածաշրջանում ապրիլի սկզբին կտրուկ սրված իրավիճակը»,– նշվում է հաղորդման մեջ։
Ապրիլի 2–ից 5–ն ադրբեջանական ԶՈՒ–ն ղարաբաղաադրբեջանական շփման գծի հարավային, հարավարևելյան և հյուսիսարևելյան ուղղություններով ձեռնարկել է բացահայտ հարձակվողական գործողություններ` հրետանիով, զրահապատ տրանսպորտային միջոցներով և ավիացիայով: ԼՂՀ պաշտպանության բանակը հաջողությամբ ճնշել է հակառակորդի գործողությունները` հասցնելով մեծ վնասներ։–0–
