ԵԱՏՄ–ում դյուրացրել են ապրանքների ծագման հաստատումը
16.02.2026,
15:57
Եվրասիական տնտեսական հանձնաժողովի խորհուրդը թարմացրել է ներկրողների համար նախատեսված կանոնները
ԵՐԵՎԱՆ, 16 փետրվարի․/ԱՌԿԱ/․ Եվրասիական տնտեսական հանձնաժողովի խորհուրդը թարմացրել է ներկրողների համար նախատեսված կանոնները, հաղորդում է հանձնաժողովի մամուլի ծառայությունը։
Այսուհետ արտադրության երկիրը կարելի է հաստատել սերտիֆիկատներով, որոնք ավելի վաղ պահանջվում էին միայն սակագնային արտոնությունների համար։ Սա կդյուրացնի այն պետություններից իրականացվող ապրանքների ներկրումը, որոնց հետ ԵԱՏՄ–ն ունի ազատ առևտրի պայմանագրեր։
Ըստ նոր կանոնների, փաստաթղթում կարելի է նշել միության ցանկացած երկիր՝ որպես նշանակման վայր։ Դա կդյուրացնի ապրանքների ձևակերպումը, եթե բեռը ստացողը փոխվել է արդեն ճանապարհի ընթացքում։
