Երևանում բողոքի ակցիայի ցրումից հետո հարյուրից ավել մարդ բերման է ենթարկվել
ԵՐԵՎԱՆ, 30 հուլիսի. /ԱՌԿԱ/. Ավելի քան հարյուր մարդ բերման է ենթարկվել Երևանի ոստիկանության բաժանմունքներ հուլիսի 17-ին ՊՊԾ գնդի շենքը գրաված զինված խմբավորմանը աջակցող ցույցի ցրման և իրավապահների ու ցուցարարների միջև բախման հետևանքով:
«Բերման է ենթարկվել ավելի քան հարյուր մարդ», - ասել է «Ինտերֆաքսին» ՀՀ ոստիկանության մամուլի քարտուղար Աշոտ Ահարոնյանը:
Նա դժվարացել է նշել այս պահին բերման ենթարկվածների հստակ թիվը:
Երևանի ՊՊԾ գնդի գրավված շեմքի մոտ անցկացվող ակցիայի ցրման ժամանակ հիմնականում ոստիկանության կողմից կիրառված հատուկ միջոցների հետևանքով տուժել է մի քանի տասնյակ մարդ, այդ թվում Սարի թաղի բնակիչները: Վերջին տվյալներով, տարբեր մարմնական վնասվածքներով Երևանի հինգ բժշկական հաստատություններ է տեղափոխվել կամ դիմել 60 տուժած (բեկորային վիրավորումներ, այրվածքներ, սալջարդեր)։-0-
