ՀՀ ոստիկանությունը տեղեկացնում է․ Երևանում անձնագրային 2 բաժանմունք ժամանակավորապես չի աշխատելու կորոնավիրուսի պատճառով
ԵՐԵՎԱՆ, 23 հոկտեմբերի․/ԱՌԿԱ/․ Հայաստանի Հանրապետությունում նոր կորոնավիրուսային համավարակով /COVID-19/ պայմանավորված` ոստիկանության անձնագրային և վիզաների վարչության Շենգավիթի և Չարբախի անձնագրային ծառայությունները ժամանակավորապես չեն աշխատելու։ Այս մասին հաղորդագրություն է տարածել ՀՀ ոստիկանությունը։
«Խնդրում ենք անձնագրային գործողությունները /բացառությամբ՝ հաշվառումների/ կատարել այլ անձնագրային ծառայություններում»,- նշվում է հաղորդագրության մեջ։
Հաղորդվում է, որ հաշվառման գործողությունները հնարավոր կլինի կատարել աշխատանքները վերսկսելուց հետո։
«Այն քաղաքացիները, ովքեր արդեն դիմում են ներկայացրել անձը հաստատող փաստաթուղթ /անձնագիր, նույնականացման քարտ/ ձեռք բերելու վերաբերյալ, յուրաքանչյուր աշխատանքային օր, ժամը 9.00-17.00-ն կարող են ներկայանալ Շենգավիթի և Չարբախի անձնագրային ծառայություններ՝ փաստաթուղթը ստանալու համար»,- նշվում է հաղորդագրության մեջ։-0-
