ՊՆ. Ադրբեջանի ԶՈւ–ն հարձակում է գործել սահմանի արևելյան ուղղությամբ տեղակայված հայկական մարտական դիրքերի վրա
10.12.2021,
14:32
Հայկական կողմի պատասխան գործողությունների արդյունքում հակառակորդը, կրելով մարդկային կորուստներ, հետ է շպրտվել ելման դիրքեր
ԵՐԵՎԱՆ, 10 դեկտեմբերի./ԱՌԿԱ/. Դեկտեմբերի 10-ին, ժամը 12։00-ի սահմաններում, Ադրբեջանի ԶՈՒ ստորաբաժանումները հարձակում են գործել հայ-ադրբեջանական սահմանի արևելյան ուղղությամբ տեղակայված հայկական մարտական դիրքերի վրա, հաղորդում է ՀՀ ՊՆ–ն։
«Հայկական կողմի պատասխան գործողությունների արդյունքում հակառակորդը, կրելով մարդկային կորուստներ, հետ է շպրտվել ելման դիրքեր։ Այս պահին փոխհրաձգությունը շարունակվում է», – նշվում է գերատեսչության հաղորդագրության մեջ։
ՀՀ պաշտպանության նախարարությունը պարբերաբար հանդես կգա իրադրության վերաբերյալ հաղորդագրություններով։–0–
