Ձերբակալվել է Բանգլադեշի քաղաքացին, ով ապօրինի կերպով հատել է հայ-թուրքական սահմանը (ՖՈՏՈ)
07.08.2018,
10:43
Սահմանախախտը սահմանված կարգով փոխանցվել է Հայաստանի իրավապահ մարմիններին:
ԵՐԵՎԱՆ, 7 օգոստոսի. /ԱՌԿԱ/. Հայաստանում Ռուսաստանի անվտանգության դաշնային ծառայության սահմանապահ վարչության աշխատակիցները Արտաշատի հատվածում ձերբակալել են տղամարդու, ով Արաքս գետով ապօրինի հատել է հայ-թուրքական սահմանը, տեղեկացնում են վարչության լրատվական ծառայությունից:
Նախնական տվյալներով՝ տղամարդը Բանգլադեշի Ժողովրդական Հանրապետության քաղաքացի է:
Սահմանախախտը սահմանված կարգով փոխանցվել է Հայաստանի իրավապահ մարմիններին: Ձեռնարկվում են միջոցառումներ դեպքի բոլոր հանգամանքները պարզելու ուղղությամբ:–0–