Հայաստանում ուսանողները օրինական հնարավորություն կստանան աշխատել ուսմահ հետ զուգահեռ
ԵՐԵՎԱՆ, 6 մայիսի. /ԱՌԿԱ/. 2019 թ.-ի սեպտեմբերից Հայաստանի ուսանողները օրինական հնարավորություն կստանան աշխատել ուսմահ հետ զուգահեռ: Այդ մասին երկուշաբթի լրագրողների հետ զրույցում հայտնեց «Իմ քայլը» խմբակցության ղեկավար Լիլիթ Մակունցը:
«Մինչև մայսիսի 15-ը կպատրաստենք օրինագծերի փաթեթ, և մայիսի 20-ին այն կներկայացվի կառավարության հաստատմանը: Նախաձեռնության նպատակն է աջակցել ուսանողներին` հնարավորություն տալով աշխատել ուսման հետ զուգահեռ», - ասաց նա` նշելով, որ ներկա պահին աշխատաշուկայում օրինականորեն աշխատում է ուսանողների միայն 1-2%-ը:
Ըստ նրա, այս նախաձեռնությունը հնարավորություն կտա ոչ միայն հանել աշխատող ուսանողներին «ստվերից» հարկային դաշտ, այլ միաժամանակ կապահովի նրանց սոցիալական արտոնություններով:
«Նախագծի էություն է ոչ միայն ապահովել հարկային մուտքեր: Մեր վերջնական նպատակն է կապ հաստատե ուսանողների, համալսարանների և աշխատաշուկայի միջև: Այս փուլում մենք ձգտում ենք հնարավորություն տալ մեր ուսանողներին` ինքնուրույն վճարել ուսման վարձը», - ասաց նա:
Ըստ Մակունցի, նախաձեռնությունը կօգնի նաև լուծել կրթական ծրագրերի անհամապատասխանության խնդիրը աշխատաշուկայի պահանջներով:
Նա նշեց նաև, որ ուսանողների համար աշխատանքը հաշվի առնելով կստեղծվի նաև ձկուն դասացուցակ, որը հնարավորություն կտա համատեղել աշխատանքը և ուսումը:-0-
