Յունիբանկը վարկի համար ներկայացրել է Non-Cash օնլայն ծառայություն
ԵՐԵՎԱՆ, 27 հունիսի. /ԱՌԿԱ/. «Non-Cash» անկանխիկ սպառողական վարկերի համար այսուհետ կարելի է դիմել նաև օնլայն` առանց բանկ այցելելու, հայտնում է բանկի ծառայությունը:
Յունիբանկն այդ կերպ էապես խնայում է իր հաճախորդների ժամանակը` հնարավորություն ընձեռելով վարկի համար դիմել ցանկացած պահի:
Հաճախորդների հարմարավետության ապահովման համար վարկի հայտը կարելի է լրացնել` այցելելով ինչպես բանկի կայք` goo.gl/sjTTZJ, այնպես էլ ֆեյսբուք:
«Իր մատճելի պայմանների և պարզ ընթացակարգի շնորհիվ, «Non-Cash» վարկը հասանելի է առավելագույն թվով հաճախորդներին: Վարկը տրամադրվում է անկանխիկ` քարտով, մինչև 48 ամիս ժամկետով: Գումարը կազմում է մինչև 1 մլն ՀՀ դրամ, տոկոսադրույքը` 15% տարեկան»,- ասվում է հաղորդման մեջ:
Ինչպես նշվում է հաղոդման մեջ, վարկի գծով մարումները կարելի է կատարել ինչպես մասնաճյուղերում` սպասարկող աշխատակցին դիմելով, այնպես էլ ինքնուրույն` բանկի վճարային տերմինալների միջոցով: Վաղաժամկետ մարումը թույլատրվում է առանց սահմանափակումների և տույժերի:
Սպառողական վարկավորման շուկայում Յունիբանկն առաջատար բանկերից մեկն է, ինչը մեծապես պայմանավորված է բնակչության համար վարկավորման մատչելի պայմանների ապահովմամբ: Այսօր Յունիբանկն օրական տրամադրում է ավելի քան 1 000 վարկ:
«Յունիբանկը մեծ ուշադրություն է հատկացնում հատկապես արագ և պարզ սպասարկմանը և ձգտում է ծառայությունները մատուցել հաճախորդի համար ամենահարմար տարբերակով: Վարկերն առավել մատչելի դարձնելու համար այս տարի բանկի կողմից արդեն իսկ վերանայվեցին և նվազեցվեցին սպառողական վարկերի տոկոսադրույքները: Յունիբանկն առաջին բանկն էր Հայաստանում, որ հնարավորություն ընձեռեց իր հաճախորդներին վարկի համար դիմել նաև օնլայն: Այսօր մենք հայտի օնլայն տարբերակ ենք առաջարկում նաև Non-Cash վարկի համար, որպեսզի մեր հաճախորդները կարողանան օգվտել մեր ծառայությունից հենց իրենց տանը` առանց բանկ այցելելու և առավել ևս հերթ կանգնելու»,- նշեց Յունիբանկի Մանրածախ բիզնեսի զարգացման և վաճառքների տնօրեն Գուրգեն Ղուկասյանը:
«Յունիբանկը» հիմնադրվել է 2001 թվականի հոկտեմբերին։ 2002 թվականին ներդրել է «Յունիսթրիմ» համակարգը։ Բանկի հիմնական բաժնետերը «Ռիպատոնսո Հոլդինգզ Լիմիթեդն» է։ 2015 թվականից բանկը վերակազմավորվել է բաց բաժնետիրական ընկերության:–0–
