«Էմ Բի Կապիտալ» ընկերությունը ձեռք է բերել Արտաշատի պահածոների գործարանի բաժնետոմսերի 75%–ը
15.12.2017,
16:40
Արտադրության արդիականացման համար ներդրվում է շուրջ 3 մլն դոլար։
ԵՐԵՎԱՆ, 15 դեկտեմբերի. /ԱՌԿԱ/. «Ավիլոն» ընկերության տնօրենների խորհրդի նախագահ Կամո Ավագումյանի նախաձեռնությամբ հայաստանյան «Էմ Բի Կապիտալ» ընկերությունը ձեռք է բերել «Արտֆուդ» Արտաշատի պահածոների գործարանի բաժնետոմսերի 75 տոկոսը, հաղորդում է գործարանի մամուլի ծառայությունը։
Արտադրության արդիականացման համար ներդնելով շուրջ 3 մլն ԱՄՆ դոլար՝ «Էմ Բի Կապիտալը» ծրագրում է կրկնակի ավելացնել արտադրության ծավալները՝ ընդլայնելով իրացման աշխարհագրությունն ու ամրապնդվելով առկա շուկաներում։
Առաջիկա աﬕսների ընթացքում կստեղծվի շուրջ 100 նոր աշխատատեղ։
Արտաշատի պահածոների գործարանի արտադրանքը վաճառվում է ARTFOOD ապրանքանիշի ներքո։ Գործարանն ամեն տարի արտադրում ու վերամշակում է մոտ 40 հազար տոննա հումք։ Արտադրանքի 35%–ն արտահանվում է։–0–
