Մովսիսյանը «Սպարտակի» կազմում անհատական ծրագրով էր մարզվում

ԵՐԵՎԱՆ, 14 նոյեմբերի. /ԱՌԿԱ/. «Սպարտակի» և Հայաստանի ֆուտբոլի հավաքականի հարձակվող Յուրա Մովսիսյանը մարզվում էր անհատական ծրագրով, ասվում է ֆուտբոլային ակումբի պաշտոնական կայքում հրապարակված հաղորդագրության մեջ։

Մովսիսյանը ծնկի վնասվածք է ստացել Ռուսաստանի ֆուտբոլի առաջնության 16–րդ տուրի` Սանկտ Պետերբուրգի «Զենիթի» հետ խաղում և չի կարողացել մինչև վերջ մնալ դաշտում։ «Սպարտակի» մարզման ընթացքում հարձարկվողը դաշտ դուրս չի եկել` սկզբում նա աշխատել է մարզադահլիճում, այնուհետև` ֆիզիոթերապևտի ղեկավարությամբ։

Մարզմանը մասնակցել են նաև վնասվածքներից հետո վերականգնման փուլում գտնվող Ռոմուլոն, Սերգեյ Բրիզգալովը, Ժոաո Կարլոսը և Անտոն Միտրյուշկինը։ Նրանք կանգնել են դաշտի անկյուններում, և նրանց հետ մենամարտերն արգելված են եղել, հաղորդում է «Նովոստի–Արմենիան»` հղում անելով ՌԻԱ Նովոստիին։ -0-