Իտալացիների մարզիչ Պրանդելին հայերի հետ բարդ խաղ է սպասում
12.10.2012,
10:19
Ֆուտբոլի Իտալիայի հավաքականի գլխավոր մարզիչ Չեզարե Պրանդելին կարծում է, որ աշխարհի առաջնության ընտրական փուլի շրջանակներում Հայաստանի հետ կայանալիք այսօրվա խաղը բարդ է լինելու:
ԵՐԵՎԱՆ, 12 հոկտեմբերի. /ԱՌԿԱ/. Ֆուտբոլի Իտալիայի հավաքականի գլխավոր մարզիչ Չեզարե Պրանդելին կարծում է, որ աշխարհի առաջնության ընտրական փուլի շրջանակներում Հայաստանի հետ կայանալիք այսօրվա խաղը բարդ է լինելու:
«Վաղը մենք ակնկալում ենք բարդ խաղ, քանի որ երկու թիմերն էլ հաղթանակի են տրամադրված: Մենք պետք է շատ բարձր ռիթմ պահպանենք»,- ասաց Պրանդելին խաղին նախորդած ասուլիսում՝ պատասխանելով «Նովոստի-Արմենիա» գործակալության հարցին:
Նա նշեց, որ իտալացիները չեն վախենում մրցակիցներից, սակայն որոշ անհանգստություն կա:
«Մենք Եվրոպայի փոխչեմպիոնն ենք, սակայն դա բոլորովին չի նշանակում, որ մենք պետք է թերագնահատենք մրցակիցներին: Վաղը մենք կտեսնենք հաղթանակի ձգտող երկու թիմերի դիմակայություն»,- ասաց Պրանդելին:
Նա նշեց նաև, որ հետևում է Հայաստանի հավաքականի վերջին խաղերին՝ ընդգծելով, որ հարձակման գծի 3-4 խաղացողներ եվրոպական մակարդակի ֆուտբոլիստներ են:
«Հայաստանն աճող թիմ է, որը շատ գրագետ խաղում է ինչպես պաշտպանությունում, այնպես էլ հարձակման գծում: Հաջողության հասնելու համար մենք պետք է բարձր ֆուտբոլ խաղանք և չթուլացնենք տեմպը»,- ասաց իտալացիների մարզիչը:
Նա ավելացրեց, որ գոհ չէ իր թիմի վերջին երկու խաղերից և Հայաստանի հետ հանդիպման ժամանակ հույս ունի շտկել իրավիճակը: «Դրա համար թիմը ակտիվ և լարված մարզվում է»,- ասաց Պրանդելին:
Հայաստանի և Իտալիայի հավաքականների միջև ընտրական խաղը տեղի կունենա հոկտեմբերի 12–ին Երևանի «Հրազդան» մարզադաշտում` ժամը 21։00–ին։
Հայաստանը հայտնվել է ընտրական փուլի B խմբում:
Երկու խաղերից հետո Իտալիայի և Բուլղարիայի հավաքականները չորսական միավոր են հավաքել, հայկական թիմը` երեք միավոր: Դանիացիներն ու չեխերը, որոնք ընդամենը մեկ հանդիպում են անցկացրել` մեկ միավոր են հավաքել: Մրցաշարային աղյուսակը զրոյական արդյունքով փակում է խմբի աութսայդեր Մալթայի հավաքականը:
Առաջին խաղին հայ ֆուտբոլիստները հաղթանակ տարան Մալթայի հավաքականի նկատմամբ` 1:0, իսկ բուլղարացիները ոչ-ոքի խաղացին իտալացիների հետ` 2:2 հաշվով: –0–
«Վաղը մենք ակնկալում ենք բարդ խաղ, քանի որ երկու թիմերն էլ հաղթանակի են տրամադրված: Մենք պետք է շատ բարձր ռիթմ պահպանենք»,- ասաց Պրանդելին խաղին նախորդած ասուլիսում՝ պատասխանելով «Նովոստի-Արմենիա» գործակալության հարցին:
Նա նշեց, որ իտալացիները չեն վախենում մրցակիցներից, սակայն որոշ անհանգստություն կա:
«Մենք Եվրոպայի փոխչեմպիոնն ենք, սակայն դա բոլորովին չի նշանակում, որ մենք պետք է թերագնահատենք մրցակիցներին: Վաղը մենք կտեսնենք հաղթանակի ձգտող երկու թիմերի դիմակայություն»,- ասաց Պրանդելին:
Նա նշեց նաև, որ հետևում է Հայաստանի հավաքականի վերջին խաղերին՝ ընդգծելով, որ հարձակման գծի 3-4 խաղացողներ եվրոպական մակարդակի ֆուտբոլիստներ են:
«Հայաստանն աճող թիմ է, որը շատ գրագետ խաղում է ինչպես պաշտպանությունում, այնպես էլ հարձակման գծում: Հաջողության հասնելու համար մենք պետք է բարձր ֆուտբոլ խաղանք և չթուլացնենք տեմպը»,- ասաց իտալացիների մարզիչը:
Նա ավելացրեց, որ գոհ չէ իր թիմի վերջին երկու խաղերից և Հայաստանի հետ հանդիպման ժամանակ հույս ունի շտկել իրավիճակը: «Դրա համար թիմը ակտիվ և լարված մարզվում է»,- ասաց Պրանդելին:
Հայաստանի և Իտալիայի հավաքականների միջև ընտրական խաղը տեղի կունենա հոկտեմբերի 12–ին Երևանի «Հրազդան» մարզադաշտում` ժամը 21։00–ին։
Հայաստանը հայտնվել է ընտրական փուլի B խմբում:
Երկու խաղերից հետո Իտալիայի և Բուլղարիայի հավաքականները չորսական միավոր են հավաքել, հայկական թիմը` երեք միավոր: Դանիացիներն ու չեխերը, որոնք ընդամենը մեկ հանդիպում են անցկացրել` մեկ միավոր են հավաքել: Մրցաշարային աղյուսակը զրոյական արդյունքով փակում է խմբի աութսայդեր Մալթայի հավաքականը:
Առաջին խաղին հայ ֆուտբոլիստները հաղթանակ տարան Մալթայի հավաքականի նկատմամբ` 1:0, իսկ բուլղարացիները ոչ-ոքի խաղացին իտալացիների հետ` 2:2 հաշվով: –0–
