Հայաստանի ազգային հավաքականը մեկնել է Լատվիա, որտեղ ընկերական հանդիպում կանցկացնի լատվիացիների հետ

ԵՐԵՎԱՆ, 1 սեպտեմբերի. /ԱՌԿԱ/. Հայաստանի ազգային հավաքականը մեկնել է Լատվիա, որտեղ սեպտեմբերի 3-ին կանցկացնի ընկերական հանդիպում Լատվիայի հավաքականի հետ: 

Հանդիպումը կկայանա սեպտեմբերի 3-ին Ռիգայի «Սկոնտո» մարզադաշտում: Խաղի սկզիբը Երևանի ժամանակով ժամը 21:45-ին:

Հայաստանի ազգային հավաքականի կազմում Լատվիա են մեկնել Գևորգ Կասպարովը, Արսեն Բեգլարյանը, Հրայր Մկոյանը, Ռոբերտ Արզումանյանը, Վարազդատ Հարոյանը, Տարոն Ոսկանյանը, Կառլեն Մկրտչյանը, Մարկոս Պիզելին, Կամո Հովհաննիսյանը և Ալեքս Էնրիկե դա Սիլվան:
Հավաքական հրավիրված մյուս ֆուտբոլիստները կմիանան թիմին Լատվիայում:

Հայաստանի հավաքականը պատրաստվում է Եվրո-2016–ի ընտրական փուլին։ Հայ ֆուտբոլիստները որակավորման մրցաշարի արտագնա հանդիպում կանցկացնեն սեպտեմբերի 7–ին դանիացիների հետ։

Հայկական թիմը Դանիայի, Պորտուգալիայի, Ալբանիայի և Սերբիայի հետ նույն խմբում է։ -0-