Ոստիանությունը պարզել է «Թուֆենկյան» հյուրանոցի մոտ տեղի ունեցած սպանության կասկածյալների ինքնությունը
ԵՐԵՎԱՆ, 15 սեպտեմբերի. /Նովոստի–Արմենիա/. Լայնածավալ քննչական աշխատանքներ են սկսվել նախօրեին «Թուֆենկյան» հյուրանոցի մոտ տեղի ունեցած սպանության գործով։
«Նախօրեին «Թուֆենկյան» հյուրանոցի մոտ տեղի ունեցած միջադեպի բացահայտման ուղղությամբ ՀՀ ոստիկանության ՔՀԳՎ, ԿՀԴՊ ԳՎ, Երևան քաղաքի և Լոռու մարզային վարչությունների ծառայողների կողմից ձեռնարկված համատեղ օպերատիվ-հետախուզական և քննչական միջոցառումների արդյունքում պարզվել է հանցագործությունը կատարելու մեջ կասկածվողների ինքնությունը՝ 1957 թ. ծնված Ռաֆիկ Խաչատրյան, 1982 թ. ծնված Ալբերտ Բլբուլյան և 1984 թ. ծնված Արմեն Կարադավիդով»,– ասվում է Ոստիկանության մամուլի հաղորդագրության մեջ։
Ձեռնարկվում են օպերատիվ-հետախուզական ծավալուն միջոցառումներ նրանց հայտնաբերելու և դեպքի բոլոր հանգամանքները պարզելու ուղղությամբ: -0-
