Turkish Airlines–ը գարնանը գործարկում է Ստամբուլ–Երևան ուղիղ չվերթը․ Սերդար Քըլըչ
Երեկ,
23:47
Turkish Airlines-ը գարնանը կգործարկի Ստամբուլ-Երևան չվերթը, հայտնել է Հայաստանի հետ հարաբերությունների կարգավորման հարցերով Թուրքիայի հատուկ ներկայացուցիչ Սերդար Քըլըչը
ԵՐԵՎԱՆ, 22 դեկտեմբերի․/ԱՌԿԱ/․ Turkish Airlines-ը գարնանը կգործարկի Ստամբուլ-Երևան չվերթը, հայտնել է Հայաստանի հետ հարաբերությունների կարգավորման հարցերով Թուրքիայի հատուկ ներկայացուցիչ Սերդար Քըլըչը:
«Կատարվել է ևս մեկ նոր քայլ։ Այս անգամ մեր ազգային ավիափոխադրող Turkish Airlines-ը 2026 թվականի մարտի 11-ից մեկնարկում է ամենօրյա չվերթեր Ստամբուլ–Երևան–Ստամբուլ երթուղով», - գրել է դեսպան Քըլըչը X սոցիալական ցանցում։
Նա իր գրառմանը կցել է նաև թռիչքների չվացուցակը՝ մինչև հունիսի կեսերը։
