Red Wings-ը մեկնարկում է Նիժնի Նովգորոդ-Երևան չվերթեր
29.03.2022,
19:18
Չվերթերն իրականացվելու են շաբաթական մեկ անգամ
ԵՐԵՎԱՆ, 29 մարտի./ԱՌԿԱ/. Red Wings ավիաընկերությունը մեկնարկել է Նիժնի Նովգորոդ-Երևան չվերթեր, հաղորդում է «Նովոստի-Արմենիա» գործակալությունը՝ հղում անելով Նիժնի Նովգորոդի Վ.Պ. Չկալովի անվան միջազգային օդանավակայանի մամուլի ծառայությանը:
Նշվում է, որ սա առաջին կանոնավոր միջազգային ուղղությունն է Պրիվոլժեի դաշնային օկրուգի մայրաքաղաքից:
«Առաջին չվերթն իրականացվել է մարտի 28-ին, այն գրեթե 100%-ով ծանրաբեռնված է եղել՝ 93 ուղևոր: Թռիչքներն իրականացվում են SSJ100 ժամանակակից ռուսական օդանավերով, որոնք ունեն 100 նստատեղ», - նշել են մամուլի ծառայությունից:
Տոմսերի վաճառքը բաց է մինչև 2022թ.-ի մայիսի 30-ը:-0-
