«Հայ–կորեական տնտեսական համագործակցության ապագա հեռնկարները» գիտաժողովը կանցկացվի Երևանում

ԵՐԵՎԱՆ, 13 ապրիլի. /ԱՌԿԱ/.  «Հայ–կորեական տնտեսական համագործակցության  ապագա հեռանկարները» միջազգային գիտաժողովը կանցկացվի երկուշաբթի Երևանում, հաղորդում է Երևանի Վ.Բրյուսովի անվան պետական լեզվաբանական համալսարանի մամուլի ծառայությունը։

Հաղորդագրության համաձայն, գիտաժողովի նպատակն է կորեական տնտեսության մասին տեղեկատվության բարձրացումը, հայ–կորեական հարաբերությունների ընդլայնման հնարավորությունների քննարկումը, ինչպես նաև երկկողմ հարաբերությունների պատմության ներկայացումը։ Գիտաժողովի կազմակերպիչներն են Բրյուսովի անվան ԵՊԼՀ–ն և Կորեական հիմնադրամը։

Միջոցառմանը կմասնակցեն ՀՀ կրթության և գիտության նախարարության ներկայացուցիչները, ԵՊԼՀ ռեկտոր Գայանե Գասպարյանը, Հայաստանում Կորեայի Հանրապետության դեսպանատան խորհրդական Պակ Ջի Ինը։

Գիտաժողովին զեկույցներով հանդես կգան ՀՀ էկոնոմիկայի նախարարության, Հայաստանի արդյունաբերողների և գործարարների (գործատուների) միության ներկայացուցիչները, ԵՊԼՀ դասախոսները, ինչպես նաև կորեական կողմից ներկայացուցիչներ։

Նիստը կնախագահի Գլոբալիզացիայի և տարածաշրջանային համագործակցության վերլուծական կենտրոնի ղեկավար Ստեփան Գրիգորյանը։ –0–