Հայաստանն առաջին անգամ կհյուրընկալի Եվրոպական հեռարձակողների միության «Մեդիա գագաթնաժողովը»
27.05.2025,
15:43
«Մեդիա գագաթնաժողովը»՝ Եվրոպական հեռարձակողների միության (EBU) ամենամյա միջոցառումն է, որը միավորում է հանրային մեդիայի առաջնորդներին ամբողջ Եվրոպայից
ԵՐԵՎԱՆ, 27 մայիսի․/ԱՌԿԱ/․ Հունիսի 3-4-ին Հանրային հեռուստաընկերությունը Հայաստանում առաջին անգամ կհյուրընկալի Եվրոպական հեռարձակողների միության «Մեդիա գագաթնաժողովը», հայտնում է Հանրային հեռուստաընկերությունը։
«Մեդիա գագաթնաժողովը»՝ Եվրոպական հեռարձակողների միության (EBU) ամենամյա միջոցառումն է, որը միավորում է հանրային մեդիայի առաջնորդներին ամբողջ Եվրոպայից։
Օրակարգում են մեդիայի ապագան, նորարարությունը, բովանդակության ռազմավարություններն ու հանրային հեռարձակման դերը։
Ամեն տարի գագաթնաժողովը անցկացվում է տարբեր երկրներում՝ վերջին տարիներին այն հյուրընկալել են Ժնևը, Լիսաբոնը և Բեռլինը։
