Հակակոռուպցիոն դատարանը վարույթ է ընդունել Դատախազության հայցադիմումը․ ոստիկանության բարձրաստիճան նախկին պաշտոնյայից պահանջում են բռնագանձել գույք և գումար
01.08.2025,
11:48
Գլխավոր դատախազությունը պահանջում է ոստիկանության բարձրաստիճան նախկին պաշտոնյայից բռնագանձել անշարժ գույքեր և դրամական միջոց
ԵՐԵՎԱՆ, 1 օգոստոսի․/ԱՌԿԱ/․ Գլխավոր դատախազությունը պահանջում է Ոստիկանության պետական պահպանության գլխավոր վարչության նախկին պետ Արամ Զաքարյանից բռնագանձել անշարժ գույքեր և դրամական միջոցներ։
Հակակոռուպցիոն դատարանը վարույթ է ընդունել Գլխավոր դատախազության՝ ապօրինի ծագում ունեցող գույքի բռնագանձման վերաբերյալ հերթական հայցադիմումը, հաղորդում է Գլխավոր դատախազությունը։
Գլխավոր դատախազության ապօրինի ծագում ունեցող գույքի բռնագանձման գործերով վարչությունը պահանջ է ներկայացրել դատարանին՝ Ոստիկանության պետական պահպանության գլխավոր վարչության նախկին պետ Արամ Մայի Զաքարյանից հօգուտ Հայաստանի Հանրապետության, որպես ապօրինի ծագում ունեցող գույք, բռնագանձել՝
- 2 անշարժ գույք՝ Երևան քաղաքում.
- 1 իրավաբանական անձում մասնակցություն.
- 14 միլիոն 203 հազար դրամ, որպես ապօրինի դրամական միջոցների մնացորդ:
