Facebook–ի օգտատերերը կարող են «Safe check» ֆունկցիայի միջոցով տեղեկացնել, որ չեն տուժել Բրյուսելի ահաբեկչություններից
22.03.2016,
16:28
Facebook սոցցանցն անվտանգության ստուգման շրջանակում գործարկել է հատուկ էջ, որը հնարավորություն է տալիս Բրյուսելում գտնվող օտատերերին տեղեկացնել, որ չեն տուժել Բրյուսելի ահաբեկչությունների հետևանքով։
ԵՐԵՎԱՆ, 22 մարտի. /ԱՌԿԱ/. Facebook սոցցանցն անվտանգության ստուգման շրջանակում գործարկել է հատուկ էջ, որը հնարավորություն է տալիս Բրյուսելում գտնվող օտատերերին տեղեկացնել, որ չեն տուժել Բրյուսելի ահաբեկչությունների հետևանքով։
Օգտատերերը կարող են այդ էջի միջոցով ստուգել`արդյոք իրենց ծանոթները գտնվում են վտանգավոր գոտում, թե ոչ։ Ֆունկցիան թույլ է տալիս ստանալ անհրաժեշտ տեղեկություն և կապվել վտանգավոր գոտում գտնվող մտերիմների հետ։ Հնարավոր է նաև տեղեկացնել մտերիմների անվտանգության մասին։ Բացի այդ, էջում ներկայացված է հակիրճ տեղեկատվություն այսօր տեղի ունեցած ահաբեկչությունների մասին։
Երկու պայթյուն է որոտացել Բրյուսելի օդանավակայանում երեքշաբթի առավոտյան, այնուհետև պայթյունների շարք է գրանցվել նաև Բրյուսելի մետրոյում։
Օդանավակայանում չեղյալ են հայտարարվել բոլոր մեկնումներն ու ժամանումները, ինչպես նաև երկաթուղային հաղորդակցությունը։ Փակվում են դպրոցները, մանկական հաստատությունները։ Կառավարությունը հայտարարել է ահաբեկչական սպառնալիքի ամենաբարձր աստիճան։Օգտատերերը պահանջել են Facebook սոցցանցից գործարկել ֆունկցիան Բրյուսելի օդանավակայանում և մետրոյում հնչած պայթյուններից հետո։ –0–
