ԲԴԽ նախագահ Գագիկ Հարությունյանը դադարեցրեց իր լիազորությունները
24.05.2019,
12:03
Հայաստանի բարձրագույն դատական խորհրդի նախագահ Գագիկ Հարությունյանը հրաժարական տվեց։ Այս մասին ասվում է ԲԴԽ–ի պաշտոնական կայքում հրապարակած ուղերձի մեջ։
ԵՐԵՎԱՆ, 24 մայիսի. /ԱՌԿԱ/. Հայաստանի բարձրագույն դատական խորհրդի նախագահ Գագիկ Հարությունյանը հրաժարական տվեց։ Այս մասին ասվում է ԲԴԽ–ի պաշտոնական կայքում հրապարակած հայտարարության մեջ։
«Նկատի ունենալով դատական իշխանության և դատավորների առնչությամբ ընթացող զարգացումները և այդ առիթով մայիսի 20–ին մամուլով իմ կողմից արտահայտած մտահոգությունները` այլևս նպատակահարմար չեմ համարում իմ հետագա աշխատանքը Բարձրագույն դատական խորհրդի նախագահի և Խորհրդի անդամի կարգավիճակներում»,– նշվում է Հարությունյանի հայտարարության մեջ։Նա նշել է, որ «ՀՀ դատական օրենսգիրք» սահմանադրական օրենքի 86–րդ հոդվածի 1–ին մասի 5–րդ կետի և 87–րդ հոդվածի 1–ին մասի 2–րդ կետի հիմքերով իր լիազորությունները 2019 թվականի մայիսի 24–ից կարելի է համարել դադարած։
Հարությունյանը հետագա բեղմնավոր աշխատանք է մաղթել իր գործընկերներին` իրավական պետությանը պատշաճող անկախ դատական իշխանության կայացման գործում։ -0-
