Արփինե Սարգսյան․ Երևանի մոլերում կբացվեն ՆԳՆ միգրացիայի և քաղաքացիության ծառայության գերժամանակակից գրասենյակներ (ՎԻԴԵՈ)
24.11.2025,
14:37
Երևանի երկու մոլերում կբացվեն ՆԳՆ միգրացիայի և քաղաքացիության ծառայության գերժամանակակից գրասենյակներ, հայտնել է ՆԳ նախարար Արփինե Սարգսյանը․ ՎԻԴԵՈ
ԵՐԵՎԱՆ, 24 նոյեմբերի․/ԱՌԿԱ/․ Երևանի երկու մոլերում կբացվեն ՆԳՆ միգրացիայի և քաղաքացիության ծառայության գերժամանակակից գրասենյակներ, հայտնել է ՆԳ նախարար Արփինե Սարգսյանը։
Նա նշել է, որ Երևանում ամենաբանուկ առևտրի երկու համալիրներում՝ մոլերում, կբացվեն գերժամանակակից գրասենյակներ՝ կենսաչափական տվյալների հավաքագրման բոլորը մեկում ինքնասպասարկման սարքավորումներով, մանկական խաղասրահով, սպասարկման միջազգային ստանդարտներով:
«Սրանով մենք հանրային ծառայությունների մատուցման բոլորովին նոր ստանդարտ կսահմանենք ՀՀ-ում՝ փակելով անձնագրային համակարգի հնամաշ և ցածրորակ ենթակառուցվածքի էջը, կոտրելով ոլորտի կարծրատիպերը»,- նշել է նախարարը:
