ԱՀ նախագահի խոսնակ. պատասխան հուժկու հարվածները հասցվել են արդեն. թիրախները հաջողությամբ խոցված են
ԵՐԵՎԱՆ, 5 հոկտեմբերի./ԱՌԿԱ/. Պատասխան հուժկու հարվածները հասցվել են արդեն, հայտնում է ԱՀ նախագահի խոսնակ Վահրամ Պողոսյանը:
«Թիրախները հաջողությամբ խոցված են»,- նշել է Պողոսյանն իր Facebook-յան էջում: -0-
Պատասխան հուժկու հարվածները հասցվել են արդեն. թիրախները հաջողությամբ խոցված են:
Опубликовано Վահրամ Պողոսյան Понедельник, 5 октября 2020 г.
#ակն_ընդ_ական
#Հաղթելու_ենք
Ավելի վաղ, Պողոսյանը, հայտնելով Ստեփանակերտի և Շուշիի հրթիռակոծման մասին, նշել էր, որ Պաշտպանության բանակի պատասխանը չի ուշանա։
Արցախում իրավիճակի սրման մասին
Սեպտեմբերի 27–ին ժամը 07։10–ին Ադրբեջանի ԶՈւ–ն լայնածավալ գործողություններ է սկսել Արցախի շփման գծի ողջ երկայնքով։ Հայաստանի և Արցախի ՊՆ–ների հաղորդմամբ, հակառակորդը սկսել է օդային և հրթիռային հարձակումներ, սակայն հետ է ամղվել մի քանի ուղղություններով։
Ադրբեջանական կողմը կրել է կենդանի ուժի մեծաքանակ կորուստներ, կորցրել է նաև մեծ քանակի տեխնիկա։
Հայկական կողմը միջազգային հանրությանը, այդ թվում ՝ ԵԱՀԿ ՄԽ համանախագահներին, տեղեկացրել է Արցախի դեմ Ադրբեջանի կողմից իրականացված ագրեսիայի, այդ թվում՝ խաղաղ բնակավայրերի հրթիռակոծման մասին:
Արցախի և Հայաստանի ՊՆ–ների հաղորդմամբ, հայկական կողմից զոհվել է 200-ից ավելի զինծառայող, կան բազմաթիվ վիրավորներ։
Արցախում և Հայաստանում հայտարարվել է ռազմական դրություն և համընդհանուր զորահավաք։-0-
