«Ժառանգություն» կուսակցությունը կոչ է անում համահանրապետական գործադուլ հայտարարել կենսաթոշակային բարեփոխման դեմ

ԵՐԵՎԱՆ, 6 դեկտեմբերի. /ԱՌԿԱ/. Հայաստանում հարկավոր է համահանրապետական գործադուլ կազմակերպել երկրում կուտակային կենսաթոշակային համակարգի պարտադիր բաղադրիչի դեմ, ուրբաթ խորհրդարանական ճեպազրույցների ժամանակ հայտարարել է «Ժառանգություն» ընդդիմադիր խմբակցության ղեկավար Զարուհի Փոստանջյանը։

Կենսաթոշակային բարեփոխումների գործընթացը Հայաստանում մեկնարկել է 2011 թվականի հունվարի 1-ից։ Կուտակային բաղադրիչը թույլ է տալիս ապագա կենսաթոշակառուին ձևավորել կենսաթոշակի չափը։ Յուրաքանչյուր աշխատակից ամեն ամիս իր կուտակային հաշվին կներդնի աշխատավարձի 5 տոկոսը, ևս 5 տոկոս, բայց ոչ ավելի, քան 25 հազար դրամ (300 հազար ձեռներեցների համար), կփոխանցի պետությունը :

«Առաջին հերթին հարկավոր է կազմակերպել համահանրապետական գործադուլ, որպեսզի դա ահազանգ դառնա ՀՀԿ–ի համար, այնուհետև հարկավոր է դիմել Սահմանադրական դատարան», – ասել է նա։

Փոստանջյանը նաև ընդգծել է, որ պարտադիր կուտակային կենսաթոշակային համակարգի ներդրման դեմ «Ժառանգության» պայքարը կշարունակվի։
 
«Ժառանգություն» կուսակցությունը օրենսդրական փոփոխությունների նախաձեռնողներից մեկն էր, որոնք նախատեսում են մեկ տարով հետաձգել Հայաստանում պարտադիր կուտակային կենսաթոշակային համակարգի ներդրումը։ Սակայն դեկտեմբերի 4–ի նիստի ժամանակ խորհրդարանի պատգամավորների մեծամասնությունն այդ օրինագծին դեմ է քվեարկել։ Վերջերս Հայաստանում բողոքի ակցիաներ են անցկացվում կենսաթոշակային բարեփոխման դեմ։ Ակցիայի մասնակիցները պահանջում են չեղյալ հայտարարել կուտակային կենսաթոշակային համակարգի պարտադիր բաղադրիչը։

Գնահատելով անցնող տարվա արդյունքները` Փոստանջյանն ընդգծել է, որ Հայաստանը 2014 թ.–ին է մոտենում գնաճի բարձր մակարդակով, բնակչության կրճատված եկամուտներով և ավելացված հարկային բեռով։

«Այս կապակցությամբ ես անբավարար եմ գնահատում կառավարության և խորհրդարանի աշխատանքը», – ավելացրել է նա։

Այս համատեքստում պատգամավորը նաև ընդգծել է, որ կառավարության ոչ բավարար, թերի աշխատանքի հետևանով երեքշաբթի հրավիրվել է ՀՀ ԱԺ–ի արտահերթ նիստ` պետբյուջեի օրինագծի ընդունման նպատակով։

Կենսաթոշակային բարեփոխումների գործընթացը Հայաստանում մեկնարկել է 2011 թվականի հունվարի 1-ից։ Կուտակային բաղադրիչը թույլ է տալիս ապագա կենսաթոշակառուին ձևավորել կենսաթոշակի չափը։ Յուրաքանչյուր աշխատակից ամեն ամիս իր կուտակային հաշվին կներդնի աշխատավարձի 5 տոկոսը, ևս 5 տոկոս, բայց ոչ ավելի, քան 25 հազար դրամ (300 հազար ձեռներեցների համար), կփոխանցի պետությունը։ (1 դոլարը 409,91 դրամ է)–0–