Դեկտեմբերի 31–ից հանրապետության տարածք է ներթափանցելու նոր ցիկլոն
26.12.2016,
13:03
Կանխատեսվում է առատ ձյուն, սակայն ջերմաստիճանի նվազում չի սպասվում:
ԵՐԵՎԱՆ, 26 դեկտեմբերի. /ԱՌԿԱ/. Դեկտեմբերի 31–ից հանրապետության տարածք է ներթափանցելու նոր ցիկլոն։
Ինչպես երկուշաբթի կայացած ՀՀ ԱԻՆ ամենշաբաթյա խորհրդակցության ժամանակ հայտնել է «Հիդրոօդերևութաբանության և մթնոլորտային երևույթների վրա ակտիվ ներգործության ծառայություն» ՊՈԱԿ-ի տնօրեն Լ. Վարդանյանը, տոնական օրերին՝ մասնավորապես դեկտեմբերի 31-ից նոր ցիկլոն է ներթափանցում հանրապետության տարածք։
«Կանխատեսվում է առատ ձյուն, սակայն ջերմաստիճանի նվազում չի սպասվում: Արդեն գրանցված ջերմաստիճանը կպահպանվի՝ հասնելով -1...-3-ի», – նշել է Վարդանյանը։
Նրա խոսքով, հանրապետությունը շաբաթ և կիրակի օրերին գտնվել է ցիկլոնի ազդեցության տակ, առատ տեղումներ են գրանցվել ամբողջ տարածքում: Ձյան շերտը կազմել է 10-15 սմ:–0–
