«Զվարթնոց» օդանավակայանի ղեկավարությունն ուժեղացրել է անվտանգության նորմերը

ԵՐԵՎԱՆ, 18 նոյեմբերի. /ԱՌԿԱ/. «Զվարթնոց» օդանավակայանի ղեկավարությունն ուժեղացրել է անվտանգության նորմերը, «Նովոստի-Արմենիա»  գործակալության փոխանցմամբ`  հայտնել է  օդանավակայանի մամուլի քարտուղար Գևորգ Աբրահամյանը:

«Անվտանգության հետ կապված որևէ խնդիր չկա և նախկինում էլ չի եղել: Նորմերը նախատեսվում են աշխարհում ընթացող իրավիճակներից ելնելով: Առաջիկայում Երևանի օդանավակայանում կգործի կոշիկների վերահսկումը, որը նախկինում չի եղել»,-ասաց Աբրահամյանը:

Նրա խոսքերով, սա միակ անհարմարությունն է, որին կբախվեն մեր ուղևորները: Մնացածում նրանք որևէ անհարմարություն չեն զգա, պարզապես օդանավակայանի անվտանգության ծառայությունն ավելի խիստ և ուշադիր կլինի:

Նոյեմբերի 13-ի Փարիզի ահաբեկություններից և ռուսական ինքնաթիռի վթարից հետո  ածխարհի օդանավակայանների մեծ մասում ուժեղացրել են անվտանգության նորմերը: -0-