Երևանում մետրոյի 2 նոր կայարան կկառուցվի. գլխավոր ճարտարապետ
24.01.2019,
15:39
Մեսչյանը նշեց, որ հնարավոր է մետրոյի կայարան բացել նաև Դավթաշենում, սակայն դրա համար կապահանջվեն մեծ ֆինանսներ։
ԵՐԵՎԱՆ, 24 հունվարի./Նովոստի–Արմենիա/. Մետրոյի 2 նոր կայարանները կկապեն Աջափնյակը կենտրոնի հետ, հինգշաբթի լրագրողներին տեղեկացրեց Երևանի գլխավոր ճարտարապետ Արթուր Մեսչյանը։
«Նախատեսում ենք բացել մետրոյի 2 նոր կայարան, արդեն ծրագիրը կա։ Երկու նոր կայարանները կհայտնվեն Աջափնյակ համայնքում», – ասաց նա` միաժամանակ չնշելով կայարանների բացման կոնկրետ ժամկետները։
Մեսչյանը նշեց, որ հնարավոր է մետրոյի կայարան բացել նաև Դավթաշենում, սակայն դրա համար կապահանջվեն մեծ ֆինանսներ։–0–
