Վանաձորը կվերակառուցվի. Կարապետյան եղբայրները Վանաձորում «Դիսնեյլենդ» կկառուցեն
ԵՐԵՎԱՆ, 15 փետրվարի. /ԱՌԿԱ/. «Տաշիր» ընկերությունների խմբի ղեկավար Սամվել Կարապետյանի և նրա եղբայր Կարեն Կարապետյանի աջակցությամբ նախատեսվում է Վանաձորի լուրջ ռեաբիլիտացիա։
Ինչպես գրում է «Հրապարակ» օրաթերթը, Կարապետյանները Վանաձորում նաև «Դիսնեյլենդ» կկառուցեն։
Քաղաքի գլխավոր փողոցներից մեկում կառուցվելու է «օլդ սթրիթ»` թիֆլիսյան «հին քաղաքի» նմանակով։
Օրաթերթը հիշեցնում է նաև, որ նման մի քաղաք կկառուցվի նաև Երևանում` «Դալմա մոլի» հարևանությամբ կրկին Կարապետյանների աջակցությամբ։
«Վանաձորյան հին քաղաքի ֆինանսավորման մի մասը կիրականացնի Սամվել Կարապետյանը։ Արդեն բանակցություններ են ընթանում, որպեսզի այդ փողոցներում տեղ «գտնեն» նաև լուրջ համաշխարհային բրենդների հյուրանոցներ` «Մարիոթ», «Հայաթ»», – նշում են հոդվածի հեղինակները։
Աղբյուրի հաղորդմամբ, վարչապետ Կարեն Կարապետյանի հորդորով ԱԺ պատգամավոր Վահան Հարությունյանը կառուցելու է քաղաքի ճոպանուղին։ –0–
