Լևոն Յոլյանը ցանկանում է կրկին վերադառնալ էներգետիկայի նախարարի պաշտոնին
18.01.2018,
11:49
Վերահսկիչ պալա¬տի նախագահ Լևոն Յոլյանը ցանկություն ունի ապրիլին կրկին վերադառնալ էներգետի¬կայի նախարարի պաշտոնին։
ԵՐԵՎԱՆ, 18 հունվարի. /ԱՌԿԱ/. Վերահսկիչ պալատի նախագահ Լևոն Յոլյանը ցանկություն ունի ապրիլին կրկին վերադառնալ էներգետիկայի նախարարի պաշտոնին, գրում է «Ժամանակը»։
«Յոլյանի այս ցանկությունը բացատրվում է ՎՊ լիազորությունների էական կրճատմամբ: Նոր Սահմանադրության ուժի մեջ մտնելուց հետո ՎՊ պալատի փոխարեն կգործի Հաշվեքննիչ պալատը, որն իր ունեցած ազդեցությամբ և լիազորություններով էականորեն զիջելու է գործող կառույցին: Այդ իսկ պատճառով Յոլյանն ուզում է ղեկավար լինել մի տեղ, որտեղ կան ազդեցության իրական լծակներ», – նշում են հոդվածի հեղինակները։
Թերթը նաև հիշեցնում է, որ ըստ մամուլի տեղեկությունների` էներգետիկայի նախարար Աշոտ Մանուկյանը հրաժարականի դիմում է ներկայացրել, սակայն նրան խնդրել են դիմանալ մինչև ապրիլ։–0–
