Հայաստանի կառավարությունը կքննարկի մարզերում կարկտահարության վնասի հետ կապված հարցերը
ԵՐԵՎԱՆ, 11 հուլիսի. /ԱՌԿԱ/. ՀՀ գյուղատնտեսության նախարար Սերգո Կարապետյանը երկուշաբթի այցելել է Արմավիրի մարզ` կիրակի տեղացած կարկտահարության վնասներին տեղում ծանոթանալու նպատակով, հաղորդում է ՀՀ Գյուղատնտեսության նախարարությունը:
Նախարարւ, որին ուղեկցում էր Արմավիրի մարզպետ Աշոտ Ղահրամանյանը, մասնավորապես, այցելել է Էջմիածնի տարածաշրջանի համայնքները:
Նախարարը զրուցել է գյուղացիների հետ և նշել, որ վնասների չափերը ճշգրտվելուց հետո, հարցը կներկայացվի կառավարության քննարկմանը:
Այնուհետև նախարարն ուղևորվել է Արագածոտնի մարզ:
Նախօրեին Երևանը և հանրապետության մի քանի մարզեր հայտնվել են անբարենպաստ եղանակային պայմաններում: Ուժեղ քամու հետևանքով, որը ուղեկցվում էր հորդառատ անձրևով և կարկուտով, պոկվել են տանիքները և ծառեր: Վնասի չափերը ճշտվում են: -0-
