Հայաստանի և Լատվիայի միջև ուղիղ օդային կապ կհաստատվի
09.10.2019,
13:36
AirBaltic ավիաընկերությունը չվերթեր կիրականացնի Երևան-Ռիգա-Երևան երթուղով:
ԵՐԵՎԱՆ, 9 հոկտեմբերի. /ԱՌԿԱ/. AirBaltic ավիաընկերությունը չվերթեր կիրականացնի Երևան-Ռիգա-Երևան երթուղով: Այդ մասին հայտնում է «Զվարթնոց» օդավակայանի մամուլի ծառայությունը:
«Արմենիա» միջազգային օդանավակայաններ» ՓԲ ընկերության և լատվիական airBaltic ավիաընկերության ղեկավարության միջև տեղի ունեցած երկկողմանի երկարատև բանակցությունների արդյունքում կվերականգնվի Հայաստանի և Լատվիայի միջև ուղիղ օդային կապը», - նշվում է տարածած հաղորդագրությունում:
Երևան-Ռիգա-Երևան երթուղով չվերթերը կմեկնարկեն 2020 թվականի մայիսից, որոնք կիրականացվեն շաբաթական երկու չվերթ հաճախականությամբ:
AirBaltic ավիաընկերությունը չվերթերը կիրականացնի նոր Airbus A220-300 տիպի օդանավով:-0-
