Երևանի քաղաքապետարանը զգուշացնում է տուգանքների մասին սխալ կայանման հետևանքով
02.04.2019,
13:08
Երևանի քաղաքապետարանը զգուշացնում է տուգանքների մասին սխալ կայանման հետևանքով:
ԵՐԵՎԱՆ, 2 ապրիլի./ԱՌԿԱ/. Երևանի քաղաքապետարանի աշխատակիցները Ճանապարհային ոստիկանության ներկայացուցիչների հետ շաբաթ և կիրակի օրերին ստուգայցեր են կատարել Խաչիկ Դաշտեցի փողոցում գտնվող ավտոշուկայի հարակից տարածքում, հաղորդում է Երևանի քաղաքապետարանի մամուլի ծառայությունը։
Մայթերին և սիզամարգերին կայանած մեքենաների վարորդները զգուշացվել են, որ օրենքով արգելվում է նման կայանումը, որից հետո մեքենաները դուրս են բերվել:
Արդեն տարածքն Էրեբունի վարչական շրջանի ուժերով մաքրվել է: Կանաչապատ հատվածն էլ ամբողջությամբ կբարեկարգվի:
«Ստուգայցերը կլինեն շարունակական: Վարորդներին հորդորում ենք՝ կայանումը կազմակերպել ճիշտ՝ խուսափելու համար վարչական պատասխանատվությունից», – նշվում է գերատեսչության տարածած հաղորդագրության մեջ:–0–
