Վաղվանից Երևանի կենտրոնի փողոցներից մեկի երթևեկը կդառնա միակողմանի (ՍԽԵՄԱ)
02.10.2019,
16:02
Երևանի կենտրոնի փողոցներից մեկի երթևեկը կդառնա միակողմանի։
ԵՐԵՎԱՆ, 2 հոկտեմբերի./ԱՌԿԱ/. Վաղվանից Երևանի կենտրոնի փողոցներից մեկի երթևեկը կդառնա միակողմանի, հաղորդում է ՀՀ ճանապարհային ոստիկանությունը։
Տրանսպորտային միջոցների երթևեկության հապաղումներից և հնարավոր խցանումներից խուսափելու նպատակով 2019 թվականի հոկտեմբերի 3-ից Երևան քաղաքի Բուզանդի փողոցի Մ.Ադամյան և Հանրապետության փողոցների հատվածում կկատարվի երթևեկության կազմակերպման փոփոխություն, որի արդյունքում Բուզանդի փողոցի նշված հատվածում երթևեկությունն այսուհետ կլինի միակողմանի՝ Մ.Ադամյան փողոցից դեպի Հանրապետության փողոցի ուղղությամբ:–0–
