Քաղաքապետարան.նոր, փոքր դասի ավտոբուսների օդորակիչների հետ կապված շահագործման ընթացքում առաջացել են տեխնիկական խնդիրներ
15.09.2021,
11:29
Երևանի քաղաքապետարանը պարզաբանել է քաղաքային տրանսպորտի օդորակիչների հետ կապված խնդիրը
ԵՐԵՎԱՆ, 15 սեպտեմբերի․/ԱՌԿԱ/․ Երևանի քաղաքապետարանը պարզաբանել է քաղաքային տրանսպորտի օդորակիչների հետ կապված խնդիրը։
Երևանցիները բազմիցս դժգոհություն են հայտնել, որ նոր, ժամանակակից ավտոբուսների օդորակիչները կա մ չեն աշխատում կամ շատ վատ են հովացնում։ Եվ երևանյան տապի պայմաններում տրանսպորտով երթևեկելը դառնում է անտանելի։
Ինչպես նշել են Երևանի քաղաքապետարանից, մայրաքաղաքում գործարկված նոր, փոքր դասի ավտոբուսների օդորակիչների հետ կապված շահագործման ընթացքում առաջացել են որոշակի տեխնիկական խնդիրներ, հաղորդում է «Նովոստի–Արմենիա» գործակալությունը:
«Ավտոբուսները թողարկող գործարանի մասնագետների հետ խորհրդատվական աշխատանքների արդյունքում նպատակահարմար է գտնվել հարցը կարգավորել օդորակիչների հովացնող ագրեգատները հզորացնելու տարբերակով, և այդ ուղղությամբ ներկա պահին «Երևանի ավտոբուս» ՓԲԸ-ի կողմից տարվում են համապատասխան աշխատանքներ», - նշեցին քաղաքապետարանից:
Գերատեսչությունից նաև հայտնեցին, որ հասարակական տրանսպորտի առկա իրավիճակի մասին բողոքներ ստացվում են, իսկ հասարակական տրանսպորտի աշխատանքների կարգավորումը հիմնականում նախատեսվում է իրականացնել նոր ներկրվելիք ավտոբուսների շահագործման միջոցով:
Հիշեցնենք, որ այսօր Երևանի քաղաքապետ Հայկ Մարությանն ասաց, որ Երևանի 211 նոր ավտոբուսները հոկտեմբերի 10-ին կլինեն Փոթիի նավահանգստում։ Նրանք բերվում են Չինաստանից։
«Եթե ամեն ինչ նախատեսված գրաֆիկով գնա, ավտոբուսները հոկտեմբերի 10-ին կլինեն Փոթիի նավահանգստում: Մինչև Երևան հասնելու համար կպահանջվի հավանաբար շուրջ 10 օր», - ասաց Մարությանը:-0-
Երևանցիները բազմիցս դժգոհություն են հայտնել, որ նոր, ժամանակակից ավտոբուսների օդորակիչները կա մ չեն աշխատում կամ շատ վատ են հովացնում։ Եվ երևանյան տապի պայմաններում տրանսպորտով երթևեկելը դառնում է անտանելի։
Ինչպես նշել են Երևանի քաղաքապետարանից, մայրաքաղաքում գործարկված նոր, փոքր դասի ավտոբուսների օդորակիչների հետ կապված շահագործման ընթացքում առաջացել են որոշակի տեխնիկական խնդիրներ, հաղորդում է «Նովոստի–Արմենիա» գործակալությունը:
«Ավտոբուսները թողարկող գործարանի մասնագետների հետ խորհրդատվական աշխատանքների արդյունքում նպատակահարմար է գտնվել հարցը կարգավորել օդորակիչների հովացնող ագրեգատները հզորացնելու տարբերակով, և այդ ուղղությամբ ներկա պահին «Երևանի ավտոբուս» ՓԲԸ-ի կողմից տարվում են համապատասխան աշխատանքներ», - նշեցին քաղաքապետարանից:
Գերատեսչությունից նաև հայտնեցին, որ հասարակական տրանսպորտի առկա իրավիճակի մասին բողոքներ ստացվում են, իսկ հասարակական տրանսպորտի աշխատանքների կարգավորումը հիմնականում նախատեսվում է իրականացնել նոր ներկրվելիք ավտոբուսների շահագործման միջոցով:
Հիշեցնենք, որ այսօր Երևանի քաղաքապետ Հայկ Մարությանն ասաց, որ Երևանի 211 նոր ավտոբուսները հոկտեմբերի 10-ին կլինեն Փոթիի նավահանգստում։ Նրանք բերվում են Չինաստանից։
«Եթե ամեն ինչ նախատեսված գրաֆիկով գնա, ավտոբուսները հոկտեմբերի 10-ին կլինեն Փոթիի նավահանգստում: Մինչև Երևան հասնելու համար կպահանջվի հավանաբար շուրջ 10 օր», - ասաց Մարությանը:-0-
