Հունվարի 15–ից դպրոցներում կսկսվեն ֆիլտրման միջոցառումներ․ Ավանեսյան
12.01.2024,
15:13
Առավոտյան բուժքույրերը պետք է առաջնակի զննություն անեն, և, եթե գրանցեն որոշակի ախտանշաններ, ապա երեխային կուղարկեն տուն
ԵՐԵՎԱՆ, 12 հունվարի․/ԱՌԿԱ/․ Հունվարի 15–ից դպրոցներում կսկսվեն ֆիլտրման միջոցառումներ, ուրբաթ հայտարարեց ՀՀ առողջապահության նախարար Անահիտ Ավանեսյանը։
«Դպրոցները տոնական օրերից հետո վերաբացվել են անցյալ շաբաթ, նախարարությունը հսկում է բացակայությունների թիվը, դրանք այս պահին չեն գերազանցում 2 տոկոսը: Ունենք գործողությունների հստակ պլան, եթե այդ տոկոսն աճի միտում գրանցի», – ասաց Ավանեսյանն ուրբաթ՝ ասուլիսի ընթացքում ամփոփելով 2023թ․–ի արդյունքները։
Նա նշեց, որ երկուշաբթի օրվանից դպրոցներում կսկսվի ֆիլտրման միջոցառումը: Առավոտյան բուժքույրերը պետք է առաջնակի զննություն անեն, և, եթե գրանցեն որոշակի ախտանշաններ, ապա երեխային կուղարկեն տուն: Անհրաժեշտության պարագայում պետք է նաև դիմել բժշկի։
«Պոլիկլինիկաներում նշանակվել են լրացուցիչ հերթափոխություններ, որ հիվանդանոցային օղակը շատ չծանրաբեռնվի: Հիվանդանոցներում թե՛ ռեանիմացիոն, թե՛ մահճակալային ֆոնդը նախարարության խիստ հսկողության տակ է», – ասաց Ավանեսյանը՝ նշելով, որ սեզոնային գրիպի դեմ պայքարի լավագույն միջոցը պատվաստումն է։–0–
«Դպրոցները տոնական օրերից հետո վերաբացվել են անցյալ շաբաթ, նախարարությունը հսկում է բացակայությունների թիվը, դրանք այս պահին չեն գերազանցում 2 տոկոսը: Ունենք գործողությունների հստակ պլան, եթե այդ տոկոսն աճի միտում գրանցի», – ասաց Ավանեսյանն ուրբաթ՝ ասուլիսի ընթացքում ամփոփելով 2023թ․–ի արդյունքները։
Նա նշեց, որ երկուշաբթի օրվանից դպրոցներում կսկսվի ֆիլտրման միջոցառումը: Առավոտյան բուժքույրերը պետք է առաջնակի զննություն անեն, և, եթե գրանցեն որոշակի ախտանշաններ, ապա երեխային կուղարկեն տուն: Անհրաժեշտության պարագայում պետք է նաև դիմել բժշկի։
«Պոլիկլինիկաներում նշանակվել են լրացուցիչ հերթափոխություններ, որ հիվանդանոցային օղակը շատ չծանրաբեռնվի: Հիվանդանոցներում թե՛ ռեանիմացիոն, թե՛ մահճակալային ֆոնդը նախարարության խիստ հսկողության տակ է», – ասաց Ավանեսյանը՝ նշելով, որ սեզոնային գրիպի դեմ պայքարի լավագույն միջոցը պատվաստումն է։–0–
