Հայաստանն ու Ռուսաստանը 2 շաբաթով սահմանափակում են ուղևորափոխադրումները
16.03.2020,
15:26
Հայաստանն ու Ռուսաստանը 2 շաբաթով սահմանափակում են ուղևորափոխադրումներն` ապահովելով երկու երկրների քաղաքացիների վերադարձը
ԵՐԵՎԱՆ, 16 մարտի./ԱՌԿԱ/. ՀՀ վարչապետ Նիկոլ Փաշինյանը հեռախոսազրույց է ունեցել Ռուսաստանի կառավարության նախագահ Միխայիլ Միշուստինի հետ, հաղորդում է ՀՀ վարչապետի մամուլի ծառայությունը:
Զրուցակիցները քննարկել են նոր կորոնավիրուսի տարածումը կանխարգելելու ուղղությամբ ձեռնարկվող քայլերը:
«Պայմանավորվածություն է ձեռք բերվել երկու շաբաթով սահմանափակել ուղևորափոխադրումները Հայաստանի և Ռուսաստանի միջև՝ ապահովելով երկու երկրների քաղաքացիների վերադարձը: Պահպանվելու է բեռնափոխադրումների անխափան գործընթացը», – նշվում է հաղորդագրության մեջ:–0–