ՀՀ-ում փակ տարածքներում դիմակ կրելը դառնում է պարտադիր
17.08.2021,
22:12
Սննդամթերքի անվտանգության տեսչական մարմինը զգուշացնում է փակ տարածքներումն դիմակ կրելու անհրաժեշտության մասին
ԵՐԵՎԱՆ, 17 օգոստոսի․/ԱՌԿԱ/․ Սննդամթերքի անվտանգության տեսչական մարմինը զգուշացնում է փակ տարածքներումն դիմակ կրելու անհրաժեշտության մասին։
Տեսչական մարմինները և ոստիկանությունը զգուշացնում են, որ կորոնավիրուսային հիվանդության դեպքերի թվի աճով պայամանավորված, վերահսկողությունը խստացվում է:
«Հորդորում ենք խստագույնս պահպանել սահմանված հակահամաճարակային կանոնները և կրել դիմակներ փակ տարածություններում: Հայտնաբերված խախտումների դեպքում կիրառվելու են օրենքով սահմանված վարչական պատասխանատվության միջոցներ», - նշվում է գերատեսչության հաղորդագրության մեջ:
Օգոստոսի 17-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 235 171 դեպք, որոնցից 223 070-ն` առողջացած, 4713-ը` մահվան ելքով։–0–
