ՀՀ–ում դադարեցվել է մեքենաների հաշվառման համարանիշերի տրամադրումը
08.04.2019,
17:28
Այսօր առավոտից ոստիկանության հաշվառման-քննական ստորաբաժանումներում դադարեցվել է ավտոմեքենաների հաշվառման համարանիշերի տրամադրումը:
ԵՐԵՎԱՆ, 8 ապրիլի./ԱՌԿԱ/. Հայաստանում դադարեցվել է մեքենաների հաշվառման համարանիշերի տրամադրման գործընթացը։
Ինչպես հաղորդում է ՀՀ ոստիկանության մամուլի ծառայությունն, այսօր առավոտից ոստիկանության հաշվառման-քննական ստորաբաժանումներում դադարեցվել է ավտոմեքենաների հաշվառման համարանիշերի տրամադրումը:
Պատճառը տեխնիկական է. ավտոմեքենաների մեծ ներհոսքով պայմանավորված՝ ծագել է համարանիշերի մատակարարման ընդհատում:
«Հայցում ենք քաղաքացիների ներողամտությունը և հայտնում, որ փոխարենը ՃՈ-ն տրամադրում է ժամանակավոր համարանիշեր, իսկ խնդիրը շաբաթվա վերջին կլուծվի, և համարանիշերի տրամադրումը կշարունակվի բնականոն ընթացքով: Հանրությանը լրացուցիչ տեղեկատվություն կտրամադրվի», – նշել են գերատեսչությունից:–0–
