ՀՀ ԱՆ-ն չի բացառում կորոնավիրուսի պատճառով մեկուսացվածների թվի աճ
ԵՐԵՎԱՆ, 16 մարտի․ /ԱՌԿԱ/․ ՀՀ Առողջապահության նախարար Արսեն Թորոսյանը հայտարարել է, որ մինչև այսօրվա վերջ կորոնավիրուսի տարածման հետ կապված մեկուսացվածների թիվը կարող է աճել մինչև 420-430 մարդու:
Երկրում հաստատել է COVID-19- ի 30 դեպք:
Երկուշաբթի օրը կայացած ճեպազրույցի ժամանակ նախարարը նշել է, որ մարտի 16-ի առավոտվա տվյալների համաձայն՝ 380 մարդ, ովքեր շփում են ունեցել վարակվածների հետ, մեկուսացվել են:
«Ավելի թարմ տվյալներ չկան, բացի այն փաստից, որ մեկուսացված են վարակվածների հետ շփում ունեցած նոր մարդիկ: Ինչո՞ւ չկան։ Քանի որ (նոր) թեստերի արդյունքները դեռ պատրաստ չեն», - պարզաբանեց նա:
Թորոսյանը հայտնել է, որ վերջին տվյալների համաձայն՝ կորոնավիրուսի հայտնաբերման համար թեստ է անցել 20 մարդ, սակայն օրվա ընթացքում այդ թիվը կարող է աճել մինչև 50-60:
Նա հիշեցրել է, որ մինչ այժմ հաստատվել է COVID-19- ի 30 դեպք, որոնցից մեկը առողջացել է և արդեն դուրս է գրվել հիվանդանոցից. Վիրուսը նրա օրգանիզմում չի հայտնաբերվել:
«Առողջական վիճակը(վարակվածների), ընդհանուր առմամբ, գնահատվում է բավարար, միայն երկուսն ունեն թոքաբորբ, բայց կյանքին վտանգ չի սպառնում», - ասել է նախարարը:
Կորոնավիրուսով վարակման առաջին դեպքը Հայաստանում հաստատվել է մարտի 1-ին, հիվանդը առողջացել է: Վարակվածների թվում են Իրանից և Իտալիայից ժամանած ՀՀ քաղաքացիներ (Երևանի, Էջմիածնի և Մեղրիի բնակիչներ), նրանց հետ շփման մեջ գտնվող մարդիկ, ինչպես նաև Իտալիայի մեկ քաղաքացի և մեկ այցելու Ֆրանսիայից: Վարակվածների մեծ մասը, ներառյալ մեկ դպրոցական, Էջմիածնի բնակիչներ են:-0-
