Ավագանին հաստատեց տրանսպորտային փաթեթների նոր արտոնություններն ու ժամկետների երկարացումը
ԵՐԵՎԱՆ, 11 փետրվարի․/ԱՌԿԱ/․ Երևանի ավագանին 33 «կողմ» և 17 «դեմ» ձայներով հավանություն տվեց տրանսպորտային փաթեթների նոր արտոնություններին և փաթեթների գործողության ժամկետների երկարացմանը։
1 և 7–օրյա փաթեթով տոմսերի ուղևորությունները կդառնան անսահմանափակ:
90 րոպեի ընթացքում երեք ուղևորության հնարավորորություն տվող տոմսի վավերականության ժամկետը կդառնա 180 րոպե:
1500 դրամով 10 ուղևորություն ձեռք բերելու հնարավորության ժամկետը կերկարաձգվի՝ 30 օրից դառնալով 45 օր:
Արտոնյալ տոմսեր կտրամադրվեն նաև Երևանի հաշվառում չունեցող թոշակառուներին և անապահովության նպաստ ստացողներին։
Անվճար երթևեկելու իրավունք կունենան նաև հաշմանդամություն ունեցող երեխաները, 4 և ավելի երեխա ունեցող քաղաքացիները՝ անկախ երեխաների տարիքից:
Որոշումն ուժի մեջ կմտնի մարտի 1-ից:
