Ամբողջությամբ պայմանագրային զինծառայության չենք անցնում, նման որոշում չկա. Արցախի պետնախարար

ԵՐԵՎԱՆ, 18 հունվարի./ԱՌԿԱ/. Արցախի Հանրապետության պետնախարար Արտակ Բեգլարյանը մեկնաբանել է Արցախում ամբողջությամբ պայմանագրային ծառայության անցնելու լուրերը։

Հարցին՝ արդյոք բանակը անցնում է լրիվ պայմանագրային ծառայության և 18 տարեկանները չեն զորակոչվելու, Բեգլարյանն ասաց, որ նման որոշում չկա:

«Ամբողջությամբ պայմանագրային զինծառայության չենք անցնում: Զորակոչ լինելու է Արցախում։ Հակառակի մասին որոշում չկա: Անգամ քննարկումներ էլ չկան, որ զորակոչ չի լինելու»,- ասաց ԱՀ պետնախարարը ասուլիսի ժամանակ:

Արտակ Բեգլարյանը նշեց նաև, որ ոստիկանական ուժերը ևս ներգրավված են լինելու և´ ներքին անվտանգության ապահովման, և´, ըստ անհրաժեշտության, արտաքին անվտանգության պաշտպանության գործընթացներին։–0–