ԱԺ-ն ընդունեց նվազագույն աշխատավարձը 68 հազար դրամ դարձնելու օրինագիծը
19.11.2019,
11:06
Ըստ հաշվարկների, աշխատավարձերի բարձրացման արդյունքում բյուջեից կպահանջվի հատկացնել առնվազն 2 մլրդ դրամ, ինչին կառավարությունը համաձայնվել է։
ԵՐԵՎԱՆ, 19 նոյեմբերի./ԱՌԿԱ/. Քիչ առաջ ԱԺ–ն երկրորդ և վերջնական ընթերցմամբ ընդունեց «Նվազագույն ամսական աշխատավարձի մասին» և «Պետական պաշտոններ և պետական ծառայության պաշտոններ զբաղեցնող անձանց վարձատրության մասին» ՀՀ օրենքներում փոփոխություններ կատարելու մասին օրենքների նախագծերի փաթեթը, որով նախատեսվում է բարձրացնել նվազագույն աշխատավարձը` 55 հազար դրամից դարձնելով 68 հազար դրամ։
Սկզբում առաջարկվել էր ամսական նվազագույն աշխատավարձը բարձրացնել մինչև 63 հազար դրամ: Սակայն հարցը կառավարությունում քննարկելուց հետո գործադիրն առաջարկել էր նվազագույն աշխատավարձը դարձնել 68 հազար դրամ:
Ըստ հաշվարկների, աշխատավարձերի բարձրացման արդյունքում բյուջեից կպահանջվի հատկացնել առնվազն 2 մլրդ դրամ, ինչին կառավարությունը համաձայնվել է։–0–
