Այս պահի դրությամբ 18 վարորդ ազատվել է աշխատանքից. Երևանի քաղաքապետի խոսնակ
03.12.2024,
12:44
Երևանի քաղաքապետի մամուլի խոսնակը տեղեկացրել է, որ այսօր գործադուլ հայտարարած վարորդներից 18-ը ազատվել են աշխատանքից
ԵՐԵՎԱՆ, 3 դեկտեմբերի․/ԱՌԿԱ/. Երևանի քաղաքապետի մամուլի խոսնակ Հայկ Կոստանյանը տեղեկացրել է, որ այսօր գործադուլ հայտարարած վարորդներից 18-ը ազատվել են աշխատանքից։
«Սիրելի՛ երևանցիներ, հարգելի՛ գործընկերներ,
տեղեկացնում եմ, որ հասարակական տրանսպորտի վարորդների կողմից այսօր իրականացված գործադուլի հետևանքով, այս պահի դրությամբ 18 վարորդ ազատվել է աշխատանքից»,-գրել է նա։
Նշենք նաև, որ քիչ առաջ Երևանի քաղաքապետ Տիգրան Ավինյանը հայտնեց, որ կոմպրոմիսի չեն գնալու և պատասխանատվության են ենթարկելու գործադուլի կազմակերպիչներին։
